گرداس رام عالم
1912 – 1989

گرداس رام عالم

گرداس رام عالم

گرداس رام عالم پنجابی زبان دے شاعر تے بُنڈالہ ضلع جالندھر دے وسنیک سن۔ آپ دی شاعری ترقی پسند روایت توں تعلق رکھدی سی۔ آپ انڈین معاشرے دے سب توں تھلڑے طبقے دلّت نال نسبت رکھن پاروں پنجابی دے پہلے دلّت شاعر کرکے جانے جاندے نیں۔ عالم نے کدی وی سکول دا مونہہ نہیں ویکھیا تے نِکّی عمرے کم تے جان لگ پئے۔ نِکی عمرے مزدوری کردیاں امیراں دے ہتھوں نچلے طبقے دا استحصال ہُندا ویکھیا تے شاعری ول رجحان ہوگیا۔ یاراں بیلیاں کولوں تھوڑا بُہتا لکھنا پڑھنا سِکھیا تے چھیتی ہی پنجابی شاعری وچ ایک اُچیچیا ناں بن کے اُبھرے۔

گرداس رام عالم شاعری

نظماں