181
تیرے پِچھے تجیا مِرزے دانا باد
وچ وناں دے آء کے جان کیتی برباد
لا کے پَچھوتاؤنا مُورکھ کر دے یاد
دُنیا سُپنا رین دا رہندی پلک آباد
182
ڈُبا چن تاریخ دا مدھم ہو گئی لو
دونہاں پُڑاں وچ آئیکے خالی رہیا نہ کو
وین کریساں تُدھ نوں وِچ میدان کھلو
سِکدی میری جان دے آخر میلے ہو
183۔
کلام مرزا
جے جانا مر ونجنا کردا کوئی سمیان
کھرل کڈھیندا سُورمے اکو جیہے جوان
پھڑ کے تیغاں مار دے اکو جیہے جوان
دیکھ تماشہ حافظا چھڈنا انت جہاں
184
جواب صاحباں
تیرے پچھے پلہریا میر شمیر بھرا
بہندی وچ سہیلیاں روندیاں عقل گیا
عشق بھلیرا چورٹا لُوں لُوں گیا ای دھا
185
جا حوالے رب دے توں نباہی توڑ
لعل کھڑا تا ہار تھیں ہتھیں بیٹھی ٹور
میرا باجھ خداء توں ساتھ نہیں کوئی ہور
جاسی کُوک خداءِ تے کیہنوں آکھاں چور
