Raah dineen pharr raah leyo nain, palak na thewan maande
Sakhat mazaj baloch hamesha, phiran naseeb jinhaande
Yousaf misar bane karwani, wekh dobar lejande
Hashim badshahan dukh paawan, sakhat zanjeer dillan de
Shehar Bhanbhor peyo nain nazreen, aaha waqt sawera
Naal piyar kito nain karhaan, chust chalak wadhera
Naal hiqarat bagh Sassi de, ja kito nain dera
Hashim chorr ditta vich shutraan, charan Iraq chophera
Qehqha wang talsmeen aahiyan, bagh chopher dewaran
Farsh zameen zumard aaha, sabit naqsh nigaran
Nehraan hoz phohare barsan, har har chonk baharan
Hashim shor janawar karde, mor chakor hazaran
Ghayal ishq kharre gul lala, naal lahu mukh dhote
Saib angoor anaar bhare ras, chanj na lawan tote
Qamri kook kare faryadan, saru azad khalote
Hashim wekh bahar chaman di, rooh apne vich ghoute
