سمی بہت خوشی وچ آئی سُن کے ایہہ سنیہڑا

سمی بہت خوشی وچ آئی سُن کے ایہہ سنیہڑا
دل وچ شوق عشق دیاں لہراں وقت اجیہا کیہڑا

مویاں پھر حیاتی ہوئی آن کھڑے پھل تازے
گاواں نال سہیلیاں رل کے سوہنی نال اوازے

آ وڑی وچ باغ چمن دے ڈٹھا ڈھول شہزادہ
دیکھ اجیہا راضی ہوئی مکہ اصبل کعبہ

دیکھ دیاں ہی ششت نیناں دی ہر دو طرفوں لگی
عشق اندھیری گھمن گھیری آن دوہاں تے وگی

پا گلوکڑی راضی ہوئے مولا آس پجائی
پین شراب کباب نوالے سید نیناں جائی

ہرن کیہا ہُن چھڈو سانوں بخشو جان اساڈی
چھڈو نام اللہ دے سانوں پجی آس تساڈی

تاں پھر قیدوں ہوئی خلاصی چھٹے مرگ نمانے
چھڈ دیاں سار گئے نس دوویں پہنچے اوس ٹکانے

وسو رسو کرو بہاراں عیش بہاراں تھیوؤ
کھاؤ چکھو نیامت لذت آب وصالے پیوؤ

کریم بخش دی ہور شاعری

• ⟩  آخر پکڑ دلیری اس نے کمر اجیہی بدھی 8
• ⟩  اول حمد خداوند بادشاہ ملک روم 1
• ⟩  اوڑک اک غلام سمی نے نمک حلال بلایا 6
• ⟩  اک دن داؤ اجیہا لگا باغ اندر چل آئے 15
• ⟩  بادشاہ ڈھول دا رانی سمی نوں ملن دمشق جانا 11
• ⟩  بغداد آہا اک شہر سنیندا اندر روم ولایت 2
• ⟩  تاں پھر روون لگی شہزادی سُن کے ایہہ سنیہڑا 10
• ⟩  تاں پھر مرگ تیاری کیتی ہو دل شیر سپاہی 14
• ⟩  رانی سمی دی کڑمائی ہونی بادشاہ ڈھول نال 3
• ⟩  سمی بہت خوشی وچ آئی سُن کے ایہہ سنیہڑا 16
• ⟩  کریم بخش دی ساری شاعری