Tota aah zulm di mare ronda zaro zari
Dassan haal haqiqat asli beli akhir wari
Jad Baghdadon nikal aaya toon suneyan aam jahanaN
Sajjan bhi sabh dushman hoye waah naseeb kalamaN
Namak halal kisse na kita lashkar ahl wazeeraN
Okhe wele hoye dushman haye meriyan taqseeraN
Dost dushman yaar piyare dushman ho khalote
Dekh diyan dil ghairat aai rooh vich gaya ghote
Pal vich hor zamana pharrya dekh jiwen rub chahe
Toon chorr mulk aaya nath ethe beena dais parae
Magron ahmad chache tere na kuch hosh sanbhali
baaraN mulk hakumat karsaan dekh ajeeha khali
Khali mulk na waris koi suna nazri aawe
Na koi nazdeek shararat na koi jang machawe
He khush qismat jagi meri kiti rub ghufari
Badshahi di dunya utte aai meri waari
Mal betha sabh mulk tere jo naal salah wazeeraN
Lutte maal khazane tere badha pakarr ameeraN
Dha sutte sabh mehal minare sabh kachehri khane
Torr sutte sabh satar haya de dhahe mehal zanane
Tabal khane sabh pakarr garae putte farsh bazaraaN
Bagh bahar werani kite kamri sune hazaraaN
Khas al khas mehal tere de watta cha karae
tang aai sabh reet teri ujarr gird nawahe
Kando te sabhrai dowen shehron bahar bahaya
Moonh sir kala hatheen thothe bajh gunah sataya
Main parind udari aaha pakarr paya vich ghera
Maar ditte sabh hathi ghorre uzar nahi kuch mera
Es agla farsh hakumat wala kita sabh warana
Aan andher machaya os ne andar mulk jahanaaN
