Lahore Lahore ae

Adhi raatein es wele dhaa kinne maari ae?
Aah le! bhaven jannate da munda mar gya ae
Zindagi de dukhaan ton kinara kargya ae
Rog!! ae rog!! koi jaan wala nahi si
Sochnaan wan hun budhi maan ki kare ge
Kehrri aas jivegi te kehrri aas maregi
Zindagi de dang vi mukayan nahi mukde
Karmaan de maare khobe
Aap te sukayaan nahi sukde
Pind saara janda ae
Jehrre haal os ne randdepe vich
Japhar jaal jaal ke te mundde nu parrhaya si
Pher kinne wakhtaan te khechlaan naal ohnu nokar karaya si
Sehre gaanne bannhe
Jadon doli le ke aaya si
Kinne es jannate nu chaa armaan san
Budhi jehi jind si te sadhraan jawan san
Pata nahi si pakkiyan te garre pe jande ne
Rehmataan de badlaan vch kothe dhe jaande ne
Aj pai beth ke te rondi ae naseeban nu
Khoshhiyaan na pachdiyan ditthiyan ghareeban nu
Menu dhadha yaad ae
Sane nunh Lahore jadon putt kol gai si
Chirri ghar ajaaib ghr
Malka da but naale data sahb takkya
Oh kehrri thaan si
Jehrri bhulli rahi si
Nit eha kaar si
Munda barra saau
Batri chon kadhi hoi har gall mannan nu tayar si
Lahore Lahore ae
Nunh sass kol jadon bethda te aahnda si
Ohda barra shukkar ae je
Pind diyan pastiaan ton ethe tur aye aan
Chalo ki hoya je saurra e makaan je
Nhera zra he par
Bijli de battne vch chaanane di jaan en
Bhaadron vich pta ae jp pind haal hunda ae
Har koi pett hathon
Khurak khurak pindda piya khohnda ae
Ethe pakhe chalde ne shaan jehi shaan ae
Taahiyen pta lga jadon
Ik din ghar aake aahnda ae
Aj mera pindda kujh maanda ae
Os din manji te ajeha pya pher nahi uthya
Jhootti hawa utte jhootte chanane da mathya!!