بھاويں مُونہوں نہ کہیے پر وِچوں وِچی
کھوئے تُسی وی او، کھوۓ اَسی وی آں
ایہناں آزادیاں ہَتَھوں بَرباد ہونا
ہوئے تُسی وی او، ہوئے اَسی وی آں
کُجھ اُمید اے، زِندگی مِل جاۓ گی
موئے تُسی وی او، موئے اَسی وی آں
جیوندی جاں ای، موت دے مُنہ اندر
ڈھوئے تُسی وی او، ڈھوئے اَسی وی آں
جاگن والیاں رَج کے لُٹیا اے
سوئے تُسی وی او سوئے اَسی وی آں
لالی اَکھیاں دی پَئی دَس دی اے
روئے تُسی وی او روئے اَسی وی آں
