اکھ جاں ویکھن والی دیسی

اکھ جاں ویکھن والی دیسیآپے یار وکھالی دیسی میں کی ڈرنا دھپاں کولوںچھاں جد کملی کالی دیسی مل پئے جاسی ہنجواں داپھڑ کے رون نوں جالی دیسی مینوں امن دا سبق پڑھا کےہتھ شریک دونالی دیسی لوڑ کی اوہنوں تیر تفنگ دینیناں نال بھنوالی دیسی میری بھکھ دے جانوں دسیاایتکی بھرویں تھالی دیسی اج تایں […]

اکھ جاں ویکھن والی دیسی
آپے یار وکھالی دیسی

میں کی ڈرنا دھپاں کولوں
چھاں جد کملی کالی دیسی

مل پئے جاسی ہنجواں دا
پھڑ کے رون نوں جالی دیسی

مینوں امن دا سبق پڑھا کے
ہتھ شریک دونالی دیسی

لوڑ کی اوہنوں تیر تفنگ دی
نیناں نال بھنوالی دیسی

میری بھکھ دے جانوں دسیا
ایتکی بھرویں تھالی دیسی

اج تایں جنے ہاسے ونڈے
کنج ہنواں دی پالی دیسی

پیار نشانی یار سکندر
کنہوں مندری والی دیسی