کھنڈ دے رُوپ چہ موہرا اے، میں کھاہدا اے

کھنڈ دے رُوپ چہ موہرا اے، میں کھاہدا اے
پیار سراسر دھوکا اے ،میں کھاہدا اے

ساری عُمر وَساہ نہ کھاویں سکیاں دا
میرا بڑا تجربہ اے، میں کھاہدا اے

وستی میرے سچ سُنان تے بپھر گئی
فیر جو اِٹّا روڑا اے، میں کھاہدا اے

دھوکا کھا فیر عقل ٹِھکانے آوے گی
بڑا مُجرب نسخہ اے، میں کھاہدا اے

دن صبراں دے کِنج کٹّے نیں ایہ نہ پُچھ
پَھل صبراں دا مِٹھا اے میں کھاہدا اے

پیار سراسر دھوکا اے ،میں کھاہدا اے