کلاماں خاک پڑھاں

کلاماں خاک پڑھاں
ساہ اُڈنے سپاں بار
کلاماں خاک پڑھاں

رَسیاں اُتے چن لمکاؤ
رانجھن ندیوں پار
آ پہلی سَٹ پَسماؤ
ماس اج ودھ ودھ جاوے
ونڈے مُشک پئی کستوری
کوئی نہ ہتھ ودھاوے
کلاماں خاک پڑھاں

نہ میں سرمہ سیندھ گندھائی
نہ میں چندن لایا
نہ میں جھانجر پیر وچ گھتی
نہ میں یار ہنڈایا
کلاماں خاک پڑھاں

شام پئی بِن شام محمد
پارس مٹی ہویا
اپنا جُثہ اپنے ہتھیں
پتھر کر کر ڈھویا
کلاماں خاک پڑھاں