تیری قسمے شیشے ساویں، نت تیرا دیدار کراں
حیرت دے وچ آپ گواچاں یار نوں خد مختار کراں
دل دی وچ حکومت سانول تینوں سر سردار کراں
دماں باجھ غلام بناں میں دکھ سکھ دا غم خوار کراں
جسم میرے دے کچے عنصر تیرا ہیت پکاندے نیں
پیڑ تیری دا تلک لگا کے من دسچ اوتار کراں
عشق قناعت، عشق کرامت، کاٹ کدورت نوں کرکے
ہو کے بیت ہنوڑے حالوں گل ہاواں دا ہار کراں
ہر جا جس دے جلوے جاری، جگ جگاون باوا جی
جان توں دین ایمان توں ودھ کے، اوہدے تے اتبار کراں
