بھل چک معاف کر بھلیاں نوں
جو کجھ بھلّ ہوئی تقصیر مائی
ایہو ویلڑا ای تیرے بخشنے دا
مینوں بخش بتی دھاراں شیر مائی
لے کے پہنچ شتاب نمانیاں تے
مہینوال بےحال فقیر مائی
نام ربّ دے کِویں وکھال مینوں
مکھ یار دا بدر منیر مائی
دسّ کون ثانی جہڑا موڑ دیوے
ربّ ڈاڈھڑے دی تقدیر مائی
تیرا شیر پیاونا یاد آیا
ڈلھ پیا اکھیں سندا نیر مائی
کویں یار دا اج ملاپ ہووے
کوئی کر ویکھاں تدبیر مائی
اجے جان ناہیں عزرائیل لئی
آئے منکر اتے نکیر مائی
میرے حالَ نوں دیکھ بےحال ہویا
فضل شاہ دلگیر فقیر مائی
