چرخا سوہنی دا چندن چیر گھڑیا
اوہدی جُڑت سونے چاندی نال آہی
ماہل پٹّ دی پھمنادار سوہنی
ہور لٹھّ کریر دی سال آہی
جِویں سورجے طرف نہ دھیان ہووے
ایویں حسن دی زور مثال آہی
سینہ صاف سی دند بلور کولوں
ہور صفت نہ وچ خیال آہی
سوہنی نام آہا سوہنے نین اسدے
سوہنی ہنس تے مور دی چال آہی
سوہنے دند رخسار انار وانگوں
سوہنے مکھڑے تے سوہنی کھال آہی
سوہنے وال کمال دراز اس دے
سوہنے ہوٹھ سرخی لالو لال آہی
فضل سچ دی سوہنی سوہنی سی
لڑی موتیاں دی وال وال آہی
