سنو بلخ بخارے دی گلّ میتھوں
دوویں شہر سن بہت آباد پیارے
امن چین تے راج چگتیاں دا
کوئی کرے نہ مول فریاد پیارے
اک غنی آہا سخی مرد بھاری
کرے نت خدائے نوں یاد پیارے
وچ بلخ بخارے دے محل اس دے
آہا مال دے نال آزاد پیارے
نت کرے سوداگری، ہور سودے
رکھے پیر فقیر نوں شاد پیارے
ہیسی ذات دا مغل اصیل مرزا
عالی نام تے نیک نہاد پیارے
جتنے لوک سوداگری کرن والے
سبھناں دئے پیسے سندی داد پیارے
فضل شاہ سبھ چیز موجود آہی
ایپر نہیں سی اک اولاد پیارے
