ایسی بات کولوں پریشان ہویا
گئے عیش جہان دے بھول یارا
کسے نال نہ ہسّ کے گلّ کردا
رہے رووندا نت ملول یارا
غماں گھور چوفیر اندھیر کیتا
لین دین آرام نہ مول یارا
کسے آئی رضائے تھیں گلّ ٹوری
اک فقیر ہے قرب رسول یارا
جیکر ہتھ اٹھائے دعا منگے
کرے ترت خدائے قبول یارا
وچ غار فلانی دے رہے خفیہ
کھائے گھاہ تے برگ ببول یارا
سن کے گلّ مرزا گیا غار اندر
ویکھے ذائقے اوہ مقبول یارا
فضل شاہ فقیر نے ویکھ کہیا
وچ غار آئیوں کت سول یارا
