دائی ویکھ کے حسن خیال کیتا
شاید فیر یوسف نمودار ہویا
ربا عمر بخشیں ایس ماہ تائیں
تیرا فضل بے انت شمار ہویا
دائی دئے پیغام غلام تائیں،
خوشی دلاں نوں صبر قرار ہویا
گیا دوڑ غلام خُش خبر لے کے
مرزے پاس جا عرض گزار ہویا
سن کے خبر فرزند دلبند سندی
مرزا خوشی دے نال گلزار ہویا
پڑھے شکر الحمد ہزار ویری،
اؤگنہار دا ربّ ستار ہویا
کیتا منگتیاں آن ہجوم بہتا
باجھ ٹوک ہتھ روک وہار ہویا
دتی مینہہ دے وانگ برسا دولت
گوئیا فضل تھیں ابر بہار ہویا
