چھڈّ روندیاں تے کرلاندیاں نوں
کونج وانگ مسافراں دور ہوئے
پہنچے منزلو منزلی جاء دلی
ایپر پینڈیاں دے نال چور ہوئے
آیا اک سوداگر بلخ وچوں
دلی شہر دے وچ مشہور ہوئے
لیا مال چکاء سوداگراں نے
سودے حسن دے ہور ضرور ہوئے
گویا یوسف نال کروانیاں دے
جنہاں دیکھیا سو نورو نور ہوئے
پاتشاہ کیتی چاہ دیکھنے دی
گئے ترت نہ پلک صابور ہوئے
رنگا رنگ تحفے پاتشاہ کارن
لئے نال جو نظر منظور ہوئے
فضل شاہ جہان دی وچ مجلس
سنے تحفے جا حضور ہوئے
