مجبور عورت دا گیت

ایہہ گھنگرو نہیں زنجیراں نے
دنیا نے پیریں پائیاں
ایہہ چھنکدیاں رسوائیاں
نہیں سندا کوئی دہائیاں

دل ساتھ نہ دئے تاں ہسنا کی ؟
بستی وچ ظلم دی وسّنا کی ؟
حال اپنا کسے نوں دسنا کی ؟
چپّ رہنا ای تقدیراں نے
ایہہ گھنگرو نہیں زنجیراں نے

کئی کہندے نچ بازاراں وچ
کئی چُندے رہے دیواراں وچ
رہی شرم نہ رانجھن یاراں وچ
ہوئیاں بے بس لکھاں ہیراں نے
ایہہ گھنگرو نہیں زنجیراں نے

حوالہ: رات کلیہنی، حبیب جالب؛ جالب پبلی کیشنز کراچی؛ صفحہ 93 ( ویکھو )