دھی کمّی دی

دھی کمّی دی
وڈے گھر وچ بتیاں کردی
ہنجُو پیندی، ہؤکے بھردی
نہ اے جِیندی نہ ایہہ مردی

بڈھے خان دا حقہ
دن وچ سو سو واری تازہ کردی

خان دا پتر
بیٹھک دے وچ ہاسے بھانے
بانہہ پھڑ لیندا
ایویں ایویں کھیہندا
کی دساں اوہ کی کی کہندا

ادھیں راتیں چھوٹی بی بی کہندی
اٹھ تکیئے ول چلیئے
جے کمّی نے پنڈ وچ رہنا
پھر ایہہ سبھ کجھ کرنا پینا

حوالہ: رات کلیہنی؛ حبیب جالب؛ جالب پبلی کیشنز کراچی؛ صفحہ 67 ( ویکھو )