جیون جوگیا ! ذرا سوچ تے سہی جے ساڈی کھیتی دے سارے پھل زہریلے ہو چکے ہون تے اوہ بد بختی جنہوں اسیں آپے اپنے گھر دا رستا دسیا ہووے سچ ہووے جیون جوگیا ! ذرا سوچ تے سہی اوہ محبت، جس نے ساڈے گھر دیاں بنیاداں رکھیا ہون بے بنیاد ہووے تے ساڈے گھر دے پیر لوہے دے بانہواں کنکریٹ دیاں منہ لکڑ دا اکھاں شیشے دیاں ہون جیون جوگیا ! ذرا سوچ تے سہی جے ساڈی بد بختی واقعی ہی ساڈی ہی بد بختی ہووے جیون جوگیا ذرا سوچ تے سہی
