س۔ سُرت سنبھال ہُن کھوہل اکھیں، اگے نیندراں لئیاں بہتیریاں نی
خانہ سٹ کے چَوڑ چوپٹ سُتوں، ایہہ اچھیاں نہیں دلیریاں نی
تیرا مال متاع سب لُٹنے نوں، باہیں ڈاکوواں ویکھ ہو لیریاں نی
ضائع گیا جے مال تے ٹھیک جانیں، پھر شامتاں آونیاں تیریاں نی
ہُن وی جاگ کے مال سنبھال اپنا، کُوکاں سُنی نصیحتاں میریاں نی
جو جو کراں پُکار تُوں گُھوک سونویں، اکھیں میٹیاں ہور ودھیریاں نی
جاگ وقت کولڑے جائیں کدھر، جدوں چلیاں قہر ہنیریاں نی
خوش طبع دل گیر اخیر ہوئیاں، اکھیں صاحب توں جیہناں نے پھیریاں نی
