دامنی

دامنی نے جدوں
دم توڑیا ہووےگا
کنھے ہی لفظاں نے
توڑیا ہونے دم
اوہدے ہونٹھاں 'تے
اوہدی زبان تے
....تے
اوہدے ذہن تے !

اوہنے ماں نوں کی کہنا سی ؟
اوہدا باپ لئی کی ترلا سی؟
کہڑے شبد سن
جو مکّ گئے
اوہدے مکن نال ...
میں اوہناں شبداں نوں
ملنا لوچدی ہاں
میں لوچدی ہاں
اوہناں شبداں نوں ساہ دینے
تاں جو
سن لئے
اوہدی ماں
اوہدا باپ
اس دے آخری دم دی گاتھا !

اوہدے کولوں لنگھیا
بے غیرت لوکاں دا جھنڈ
سن لئے اوہدی پکار
.....تے کسے ہور دامنی کولوں
لنگھے نہ کوئی
اندیکھیا کرکے !

اوہ جو بے بس
اوہدا ساتھی
سن سکے
اس دا اوہ آخری ترلا
جو شاید اوہنے
کیتا ہوئےگا
کجھ ایہو جیہا ہی
کہ :
ساتھی ! میں تیری ہی ہاں !!
میری پریت دے
سچڑے موتی
چاہیا سی
تیری ہی جھولی ڈگنا
پر کلموہیں راہیاں
میری پریت نوں جوٹھ بنا دتا !
میرے تن دا
میری روح دا
کجن لاہ دتا !
پر میں ملاں گی تینوں
اپنے اسے جلوء چ
اسے ہی شدت نال !
ساتھی ! توں میرا انتظار کریں!!