چنگا ہندا ساڑ دیندے
چنگا ہندا پھاہے لاندے
میرے ہڈاں دا بالن
دو ویلے دو روٹیاں
سیکن دے کم آندا
ُہن تہانوں جرنا پینا اے
پہلاں تسیں بتھیرے وَیر کمائے
جھوٹھے نَک تے اُچّیاں پَگاں پِچّھے
ُہن تہانوں دھیاں، بھیناں نوں حق نیں دینے پینے
ہن دھوکھے بازی، مذھب دی مستی، کنجری دی گالھی
میں نہیں جرنی
کِنیاں مارو گے؟
کِنیاں ساڑو گے؟
او دھوکھے بازو!!
تہانوں رب وی نہیں ملنا
اوہ وی دیکھ رہیا اے
ہن تے ساڈے پاسے راوی وی سُک گیا اے
کِتّھے ڈُب کے مرد گے؟ چُلّو بھر پانی وی نہیں سَرنا
