رہُ وے اڑیا توں رہُ وے اڑیا بولنِ دی جائ نہیں وے اڑیا جو بولے سو ماریئے منصور جویں کوئی بجھدا ناہیں وے اڑیا جےَ تے ہک دا راہ پچھاتا دم نہ مار وے توں رہیں چپاتا جو دیوی سو سہُ وے اڑیا قدم نہ پاچھے دیئی ہالوں توڑے سر وکھ کیچے دھڑِ نالوں تاں بھی حالَ نہ کہیں وے اڑیا گورِ نمانی وچِ پؤدیاں کہیاں ہوہُ ہوائی تیری اتھے نہ رہیاں جانجھی مانجھی مڑِ گھرِ آئے مہلیں وڑیا سہُ وے اڑیا شیخ شرف ایہہ بات بتائی کرمُ لیا لکھیا بھائی کر شکرانہ بہو وے اڑیا (راگ آساوری)
