جے نہ دکھ دوپہراں والے جی تے لیندے
جے نہ کوڑ شراباں والی
جیبھ تے رکھدے
گیت نہ لکھدے
دن وچ سُفنے کدی نہ بُندے
جگراتے دا روگ نہ ہُندا
بنّے بیٹھ کے
نُون دا پانی تُبکا تُبکا
جے نہ دل دی سِل تے چوندے
تیڑُو گیڑُو مکھ تماشا جے نہ کردے
گلیاں وچ ونجارے بن کے
کِتے نہ مہنا مہنا کِردے
جھات تے کر کوئی!
اسیں نمانے
ساڈے اندر کیہڑا گُن سی
تیرے پِڑ تے جس دی ورشا
ساوی گھاہ اُگاندی
تتے ویہڑے ننگے پیریں
انکھ دا مان گواندی
پاگل کُڑئیے!
دُکھ تے سُکھ وچ کندھ نئیں کوئی
جند جنگل دا ڈُونگھا پینڈا
نہ ہوون توں ہون دا لیکھا
لاگ دے لڑ نوں پھڑ کے کُڑئیے
