جھنگڑ ڈوم تے فتُّو کلال دوڑے
بیلا چوہڑا تے جھنڈی چاک میاں
جا ہیر اگّے دُھم گھتیا نیں
بچہ کہی اُڈائی آ خاک میاں
تیری ماؤں تیرے اُتّے بہت غصّے
جانوں مار دیسی چُوچک باپ میاں
رانجھا جا ہ تیرے سر آن بنیاں
نالے آکھدے مارئیے چاک میاں
سیال گھیرنگر پون کد تینوں
گنیں آپ نوں بہت چالاک میاں
طوطا انب دی ڈال تے کرے موجاں
تے گلُیلڑا پوس پٹاک میاں
اج سیالاں نے چُلھیں نہ اگ گھتّی
سارو کوڑما بہت غمناک میاں
وارث شاہ یتیم دے مارنے نُوں
سبھا جڑی چنہاں دی دھاک میاں
