پتے ڈاچیاں دے برے لاونا ہیں
دیندا مہنے شامتاں دوڑیاں دے
متھا ڈاہیو نال کواریاں دے
تیریاں لوندیاں جوگیا مَوریاں وے
تیری جیبھ مویسیا ہتھ علّت
تیرے چُتڑیں لڑدیاں بھوریاں وے
خیر ملے سولئیں نہ نال مستی
منگیں دُدّھ تے پان پھلوریاں وے
رُگ دین آٹا اِکے ٹک چپّا
بھر دین نہ جٹیاں کوریاں وے
ایس انّ نوں ڈھونڈدے اوہ پھردے
چڑھن ہاتھیاں تے ہوون چوریاں وے
وڈے کملیاں دی اساں بھنگ جھاڑی
ایتھے کئی فقیریاں سوریاں وے
سوٹا وڈا علاج کپتیاں دا تیریاں
بھیڑیاں دسدیاں طوریاں وے
وارث مار سوار دے بھوت راکش
جیہڑیاں مہریاں ہون اپوڑیاں وے
