کرامات لکھاء کے سحر پھُوکاں
جڑ کھیڑیاں دی مُڈھوں پٹ سٹاں
فوجدار ناہیں پکڑ کوارڑی نُوں
ہتھ پیر تے نک کن کٹ سٹاں
نال فوج ناہیں دیاں پھُوک اگاں
کر ملک نُوں چوڑ چپٹ سٹاں
اَلَم تَرَکَیفَ بدوح قہارپڑھ کے
نہیں وہندیاں پلک وچ اٹ سٹاں
سہتی ہتھ آوے پکڑ چوڑیاں تھوں
وانگ ٹاٹ دے تپڑی چھٹ سٹاں
پنج پیر جے باہوڑن آن مینوں
دُکھ درد قضیڑے کٹ سٹاں
حکم رب دے نال میں کال جیبھا
مکر لگ کے دُوت نُوں چٹ سٹاں
ہووے پارسمندروں ہیر بیٹھی
بُکاں نال سمندراں جھٹ سٹاں
جٹ وٹ تے پٹ پھٹ تے بدھے
ور دین سیانیاں سٹ سُٹاں
وٹ سٹ نچت گھلہٹ ہو کے
جھٹ وٹ تے اوندھ ولٹ سٹاں
وارث شاہ معشوق جے ملے خلوت
سبھ جیو دے دکھ الٹ سٹاں
