ساری حیاتی کردے رہے اندازے اپنی کرنی دے
تازے تازے بُھگتے نیں خمیازے اپنی کرنی دے
قید عمر دی کس پتھر دے ویرانے وچ کٹنا واں
چاروں ولّے آؤندے نیں آوازے اپنی کرنی دے
اکھیں پٹیاں بنھ چھڈیاں تے کَن لویٹ کے پھر دے رہے
تیز ہواواں نال وجدے رہے دروازے اپنی کرنی دے
اپنے گھر وچ مٹٰ گَھٹا سارے جی رَل کر گئے کَٹھا
جِندرے مار کے کج دِتے دروازے اپنی کرنی دے
حوالہ: اپنے اندر دی تھرتھلی؛ سحر پبلیکیشنز؛ صفحہ 83