میچی اکھ دے گُھنڈ توں اوہلے سارے امبر کجے
گوگنی رات دی سرگھی ویلے زور دے بدل گجّے
اپنے پردے چیر کے جا سورج دے متھے لگّے
شیشے دے لشکارے وانگوں جا دیوار تے وجّے
انھیاں بولیاں مُورکھاں کولوں فیض کسے کیہہ منگنا
کن وی بولے، مونہہ وی بند تے ہتھ جنھاں دے بَجھے
قدرت ویکھو کینوں پھڑ لئے ویکھو کینوں چھڈے
تختے اُتے کیہڑا چڑھدا کیہڑا تخت تے سجّے
کُجھ وی کر لو روڑیاں وچوں اُگدی نہیں ہریالی
گوڈی کر، دے پانی بھانویں مالی لنگھے اگّے
کھوہ دے بنّے بیٹھے رہے ٹِٹداں گیڑے گِن دے رہے
کھیتی ولّے ویکھ کے فرخ ڈوہنگے کھوہ وچ ڈِگّے
