وارو وار لگے گفتگو کرنے
آہے یار جو سگھڑ سجان میاں
کوئی علم توحید دا کہے نقطہ
کوئی شرع دا کھول بیان میاں
کوئی کہے سرود پریم والا
کوئی دئی بیٹھا تار تان میاں
کوئی کہے خدائے دی قسم مینوں
میرا یار ہے دین ایمان میاں
کوئی گلّ سناوندا عاشقاں دی
کوئی گھتّ دیندا گھمسان میاں
اوڑک کرن سوال کمال مینوں
گلاں ساریاں نوں پُن چھان میاں
آکھن سوہنی تے مہینوال والا
کرو کلّ بیان ایان میاں
فضل شاہ قصہ الفوں یہ تیکر
کرو شعر پنجاب زبان میاں
