پتہ نہیں
من وچ ایہنا خلا کیوں ہے
کول شبد وی نہیں
شہرت وی
تے رتبہ وی
محبت وی پوری شدت نال
تُر دی ہے سنگ
فیر وی پتا نہیں
من وچ اینا خلا کیوں ہے
خلا اینا ڈونگھا
کہ سُتے پیاں تربھ کے اُٹھدا ہے
کہ خط لکھن توں
پہلاں شروع ہوجاندی ہے
جواب دی اُڈیک
تُردیاں ایداں لگے
جیویں کوئی
تُر دا ہے نال
میری روح دا دلال
تُردیاں سڑ دے نیں پیر
فیر وی کہیدا ہے
ساڈی سڑکاں نال یاری ہے
گھر۔۔۔قید
نظم۔۔۔ اوپری
چیتنا۔۔۔ سزا
شبد۔۔۔ نستے
تے
سوے جھوٹھا جیہا جاپدا ہے
عجیب خلا ہے
جس نوں کجھ آکھنا ہوندا ہے
اوس ساہویں
زبان نہیں کُھلدی
اُنج
ہوا نوں نظماں سناؤندے ہاں
سوے ترس نال بھر جاندے ہاں
آپے دے گل لگ کے وِلکدے ہاں
تے آپنے آپ نوں
پتا نہیں کداں وراؤندے ہاں
ایہہ کیسا خلا ہے
بگانے چہریاں توں
گوہ نال پڑھدے ہاں
پہچان دی عبارت
مچدیاں دُھپاں چ ٹھردے ہاں
سولھ چھاواں چ سڑ دے ہاں
اینا وسیع ہے
خلا دا گھیرا
کہ خواب تِڑک گئے نیں سارے
پر ایہناں دا
مرثیہ وی پڑھیا جاندا نہیں
کول شبد وی ہین
شہرت وی
تے رتبہ وی
محبت وی پوری شدت نال
ٹُردی ہے سنگ
فیر وی پتا نہیں
من وچ
اینا خلا کیوں ہے
خلا در خلا
حوالہ: سمندر بُلاؤندا ہے؛ ( ویکھو )
