میری دوست
تیرا ساتھ میرے لہو وچ
افیم وانگ رچ گیا ہے
تیرا ساتھ
من دے ہنیریاں وچ
ٹمٹماؤندے جگنو جیہا
تکھڑ دوپہر لگی پیاس سمے
مساں ملے پانی دے پہلے گُھٹ ورگا
تیرا ساتھ
میری بھٹکن دے سمندر لئی
کنارے ورگا
ادھی راتیں
لگے ڈر مگروں
گُھٹ کے پھڑے اپنے ہی ہتھ ورگا
تیرا ساتھ
پرت کے آئے خط ورگا
جس دیاں سطراں ہیٹھ
تیرے ہنجواں دیاں قطاراں ہون
تے میری دوست
حال دی گھڑی میں تینوں
بس اینا ای کہنا ہے
سُن لویں سکھیاں دے میہنے
سہہ لویں امی دی گُھرکی
ان سُنیاں کر دیویں
دفتریں سنیوگیاں دیاں چہ مہ گوئیاں
ڈولی چڑھن توں پہلاں
کدے کدائیں
بس کدے کدائیں
مِل لیا کریں
کیونکہ تیرا ساتھ
میرے لہو وچ
افیم وانگ رچ گیا ہے
میری دوست
حوالہ: سمندر بُلاؤندا ہے؛ ( ویکھو )
