جاگنا راتان نوں سونا دن سمیں
ایس طرحاں وی گزاری ہے زندگی
دوستاں بھانے نکما جین ایہہ
جاپدی ایہہ وی پیاری زندگی
آدمی اوہی سُکھاواں جی سکے
جو سمیں دے نال بدلے آپ وی
ہر سمے دے رنگ اندر رنگ کے
ہے سدا ایس نے گزاری زندگی
نیند راتاں نوں نہیں آؤندی کدے
سوچ فکراں وچ ہی ڈُبی رہے
گھاٹ ایوں تاں شے کسے دی وی نہیں
پھیر وی جاپے نکاری زندگی
زندگانی نرک جاپے ہر سمیں
ہے کسے دے واسطے جنت ایہہ
آدمی دی سوچ دا ہی فرق ہے
سوچ نے ہی ہے نکھاری زندگی
زندگانی ہے امولی ہر سمیں
توں امولی جان کے ایس نوں بِتا
ہر سمے توں ٹھیک ایس دا مُل پا
جان نہ ایویں نِکاری زندگی
