روح وی ٹمٹماؤندی پئی اے، پچھلی رات دے تارے وانگ
جُثے وچوں جاندی پئی اے، سجن بے مہارے وانگ
کنڈھیوں دھکی بیڑی تر پئی، بھنوراں دے ولّ سدھراں دی
روندی تے کرلاؤندی پئی اے، ٹٹے ہوئے تارے وانگ
ڈھہندا ڈھہندا بدل گیا اے، محل اساڈا کھنڈراں وچّ
دنیاں ڈھیر وی ڈھاؤندی پئی اے، بھیڑے دے ورتارے وانگ
میں پروانا تے اوہ شمع، عمر دوہاں دی فجراں تیک
ہونی قبر بناؤندی پئی اے، جیوں مویاں دے مارے وانگ
میں پیڑاں دے پیڑے تکّ کے، تریاں منزل لبھن لئی
قسمت پئی ملاندی پئی اے، اکھر غلط نکارے وانگ
کچی ڈور آزاد اے اپنی، گڈی پھر وی باہواں دی
خورے کیوں اڈاندی پئی اے، جگنوں دے چمکارے وانگ
