ی۔ یاد کر کر روواں دِنے راتیں ہوئے عیب میتھوں بے انداز اللہ
اپنے فضل دے نال چا کریں بخشیں، منگاں دعا کر دست دراز اللہ
نکلے نال ایمان وجود وچوں، کر جائے جد روح پرواز اللہ
ہون دم جاں آکے ختم میرے، ہواں وچ سجود نماز اللہ
رکھیں شاد آباد سب سجناں نوں، درد خواہ جتنے محرم راز اللہ
دیویں نیک ہدایت کپتیاں نوں، آ جان شرارتوں باز اللہ
صدقے نبی دے کریں قبول ساری میں غریب دی عجز نیاز اللہ
خوش طبع تصنیف سُن کے میری، تیرے عشق وچ ہون گداز اللہ
