جنگل بر اُجاڑ وڈیری ،ہور اگّوں پِھر آئی
انت حِساب شمُاروں باہر، چڑیائی لمیائی
جے سبھ خلقت رُوئے زمیں دِی، جا اوہدے وِچ چُھپے
جیؤں آٹے وِچ لُون نہ دِسدا، تِیویں ساری کھپّے
بار مریلی جان اکیلی، یار نئیں کوئی ساتھی
غؤل ڈراون تے کول آون ،دیو وڈّے جیؤں ہاتھی
رات ہنیری خؤف چوپھیرے ،بولن دیو بلائیں
عاشق باجھ نہ قدر کسے دا ،پُجّے اجیہیں جائیں
ان نہ پانی واس مسانی، رستے نئیں نِشانی
جنڈ گرنڈے ظالم کنڈے ،پُرپُر سِلّے کانی
نازک پیر پُھلّاں تِھیں آہے، ریشم پُھل لپیٹے
نت نگاہنے جنگل گاہنے، پھڑے بُری السیٹے
