مینوں ول نئیں توڑ نبھاون دا
ڈھولا آپ نبھاویں
بشری بیڑی اندر ڈولاں
دل دیاں گلاں دل تھیں بولاں
لبھدی تینوں وچلا پھولاں
تن من دھن سبھ تیں تھیں گھولاں
جے توں چاہویں اک مک ہو لاں
تے گانواں میں دن رات
مینوں ول نئیں توڑ نبھاون دا
ڈھولا آپ نبھاویں
گل نال لاویں کملی، ہیں توں شاہ
توں ہی مینڈی عزت، مینڈی جاہ
لاہ من میل تے ہڈ چم گوشت ساہ
عشق انا الحق گل گانی ہے پھاہ
عشق مسافر منزل اوکھا راہ
دو بول ملے وچ دات
مینوں ول نئیں توڑ نبھاون دا
ڈھولا آپ نبھاویں
اوگنہاری، گن نہ پلے کوہء
لاہ پہراوے، پہن فقیراں لوء
چم دی چادر ہنجھواں دے وچ دھو
بہہ کے اوہلے ماٹی پانی گوہ
جیں دی سک وچ بھکھدی، میں ہاں اوہ
داس کبیر دی بس ہے گر ایہ بات
مینوں ول نئیں توڑ نبھاون دا
ڈھولا آپ نبھاویں
حوالہ: جوڑ جوریندا جوڑ؛ صفحہ 56 ( ویکھو )
