اج چَنگیاری ہَتھ آئی اے اج سُواہ نال گَل کرنے آں کَکھ گلیاں دے ہُجھ لوے تاں فیر ہوا نال گَل کرنے آں سِدھے راہ تاں سِدھے ہوندن، اوہناں نال کی گل کرنی اے پُٹھیاں پُٹھیاں گلاں کر کے پُٹھے راہ نال گل کرنے آں اوندھے آؤن تے رُک کیوں جاناں ایں، اوہنوں ویکھ کے سُک کیوں جاناں ایں ؟ سَگھ دے پھاٹک اُتّے روک کے اَج اِس ساہ نال گل کرنے آں بول کھاں اج سمندروں ڈونگھیا، اندروں گھُوٹھیا باہروں گونگیا باہو سلطان نوں نال لیجاہ کے دل دریا نال گل کرنے آں
