آ جا ہُن پردیسی یارا کھیت گیا اے پک
رستے تک تک تیرے سجناں اکھیاں گئیاں تھک

ساری ساری رات میں جاگاں دل ہویا بے چین
کاں وی سارے چُپ بنیرے روون میرے نین

خون رگاں دا چھلاں مارے جگن پاندا وین
سُک سُک تیرے باہجھ ایہہ پنڈا ہویا جیویں ککھ

آ جا ہُن پردیسی یارا کھیت گیا اے پک
رستے تک تک تیرے سجناں اکھیاں گئیاں تھک

روپ میرا اے تینوں تک دا، رستے تکن گہنے
سجن تیرے ہجر دے دکھڑے ہور کدوں تک سہنے

تھیلا بھریا چٹھیاں لے کے جد ہرکارا آندا
اج وی تیرا کجھ نہ آیا دوروں ای کہہ جاندا

دُکھاں بھریا ایہہ دل میرا گیت الم دے گاندا
کجھ تے ہُن پردیسوں آکے حال میرا وی تک

آجا ہُن پردیسی یارا کھیت گیا اے پک
رستے تک تک تیرے سجناں اکھیاں گئیاں تھک