ہُن تے ایس زمین تے انج دا کم دکھا

ہُن تے ایس زمین تے انج دا کم دکھا
قاتل اپنے جرم دی کٹے کدی سزا

دل اپنے دے درد نوں کد تک پھراں لُکا
سوچ دے جنگل پہونچ کے دتی یاد گوا

تاھنگاں ستیاں اکھ چے ہُن آں جگا
نیند میری نوں ہور نہ جھوٹھے خاب تکا

ظالم کل جہاں دے سِر تے لئے بٹھا
ہُن دل روندا چیکدا، کر امداد خدا

اپنے گھر دے نور نے اگّاں دتیاں لا
ہنجو رو رو پچھدے، دیئے اگ بُجھا

ہُن منور سوچ کے سینے جھاتی پا
روون پٹن واسطے ڈھارا وکھ بنا