سامنے ذخیرے وچ
سپ پئے شُوکدے
پپیہے پئے کُوکدے
ہرے ہرے رُکھاں اوہلے
ننگیاں چڑیلاں دیاں
اکھاں دے خمار نیں
اِک اِک چیز دیاں
شکلاں ہزار نیں
ہرناں دی ڈار وی
تے سُوراں دی قطار وی
موت دے تلاواں اُتے
پِھر دے شکار وی
چاندی جیہاں ہڈیاں
تے بیریاں دے ہار وی
ہرے ہرے رُکھاں اوہلے
دلاں نوں ڈران گے
ذرا جیہے کھڑاک نال
لُک چُھپ جان گے
کدے کدے جادُو دے
تماشے وی وخان گے
حوالہ: سفر دی رات؛ دوست پبلی کیشنز؛ صفحہ 46 ( ویکھو )
