چینی

بئی گامُو نوں کیہندی اوہدی اک سہیلی
جدوں دا بنیا میرا توں بیلی
میں اج تک نئیں کوئی فرمائش کیتی
سدا تیری منّی میں نئیں بحث کیتی
معشوق ہالاں پھٹیکاں نے پاؤندے
نہ عاشق دی سُندے بس اپنی مناؤندے
گامُو کیہندا تُسی کرو جے اشارے
میں لے آواں امبراں توں تہاڈے لئی تارے
تیری قسمے ہووے نہ پورا وی تھکیواں
جے آکھیں تے پہاڑاں توں کڈ نہر دیواں
وے میں سب جاندی ہاں پتہ مینوں سارا
وے کر سکنا ایں کم بھارے توں بھارا
لے میرا وی اک کم کرکے وکھا دے
میں منّاں گی تاں کلو چینی لیادے۔