میرے وسّ وچ کجھ وی نہی
میں کسے نوں کی کہنا
تسی جِویں رکھو مینوں
میں تے اِنج ای رہنا
میں کی کہنا؟
کوڑے مارو
لُٹّ لوو عزتاں
توڑو لتّاں
چیرو سینہ
میں تے چپّ ای رہنا
میں کی کہنا؟
میں کالا واں
میں لِسّا واں
کئی صدیاں توں
ایہہ غلامی
تسیں میرے متھے لائی
میری ضدّ گوائی
میں کی بولاں؟
جتھے ربّ ویکھے انیائی؟
اتھے کون کرے سنوائی؟
چٹا رنگ تے
تگڑے لوکی
کویں جانن
کی ہندا اے
انیائی دا دکھ سہنا
اسیں کالیاں خورے کد تک
ظلم جہان دا
سہندے رہنا
مردے رہنا
مرن توں پہلے جی کردا اے
ربّ توں پچھاں
کدوں میرا سورج چڑھسی؟
مینوں سونے ورگا کرسی؟
اک دن تپدا لوہا بن کے
میں وی اُچی اُچی کہنا
ہماتڑ کالا جاگ پیا جے
ہن کدی اِس چپّ نہی رہنا
کسے دا ظلم نہیں سہنا
میں سی کہنا
ہن میں چپّ نہیں رہنا
