ہوکا اک رُسّی دھی دا
کلپے پنجر اندر
جیون توں
چھٹکارا منگدا
کوڑا گھٹّ ظلم دا
سنگھوں اوکھا لنگھدا
جمن توں مرن تیک
اپنے ہوون نہ ہوون تے
لڑدا مردا
سر توں پیراں تیکر
بے بس بھٹھی دے وچ سڑدا
بن سواہ سنجوگ دی
ہر دکھ جردہ
جوت پیڑاں دی
رُتّ غماں دی
مکدی ناہیں
ویلے دی
ٹک ٹک
سبھ کجھ سہندی
چلدی رہندی
اک ہوکے وچ لکھاں چیکاں
اکو گلّ سناؤن
زورآور دے
نِکے دل نیں
وڈے قبرستان
قبراں اندر وین کریندیاں
پھسیاں روحاں
دب جاندیاں نے
مردیاں ناہیں
