کوڑے کارے ای ہر وار کیتے سوں
پچھلے سر تے نویں ادھار کیتے سوں
آنے بھانے لاندا گلّ مکاندا نہیں
نہ اقرار نہ انکار کیتے سوں
سانوں شیشے وانگر ٹنگیا ہویا اے
خورے کس لئی ہار شنگار کیتے سوں
کنڈی ہسن شنگار گڈویا اتے رکھّ
آشک مچھیاں وانگ شکار کیتے سوں
ڈانگاں، سوٹے جھلی بیٹھا نفرت دے
پیار محبت دے پرچار کیتے سوں
ہالے پچھلے پھٹّ تروپے گھلے نہیں
انھاں پھٹاں اتے وار کیتے سوں
جدھر نہیں سی جانا ٹر گیا قمر فرید
نہیں سی کرنے جو کمّ کار کیتے سوں
