کوڑے کارے ای ہر وار کیتے سوں

کوڑے کارے ای ہر وار کیتے سوں
پچھلے سر تے نویں ادھار کیتے سوں

آنے بھانے لاندا گلّ مکاندا نہیں
نہ اقرار نہ انکار کیتے سوں

سانوں شیشے وانگر ٹنگیا ہویا اے
خورے کس لئی ہار شنگار کیتے سوں

کنڈی ہسن شنگار گڈویا اتے رکھّ
آشک مچھیاں وانگ شکار کیتے سوں

ڈانگاں، سوٹے جھلی بیٹھا نفرت دے
پیار محبت دے پرچار کیتے سوں

ہالے پچھلے پھٹّ تروپے گھلے نہیں
انھاں پھٹاں اتے وار کیتے سوں

جدھر نہیں سی جانا ٹر گیا قمر فرید
نہیں سی کرنے جو کمّ کار کیتے سوں

قمر فرید چشتی دی ہور شاعری

• ⟩  اکّ اکّ ساہ لئی مُکدی جاندی
• ⟩  اکّ ٹھنڈی یخ کوِتا
• ⟩  تیریاں یاداں
• ⟩  ظلم نوں ساواں ہو لینا واں
• ⟩  لڈن بیڑی پور دی گلّ اے
• ⟩  میں پیراں چوں کنڈے وی نہ کڈھے بہِ وچ راہواں
• ⟩  پنجابی دھی ایں توں
• ⟩  پنجابی وچ بلانا جاندا ئے
• ⟩  پُچھیا حال تے حال دہائی لِکھیا سوں
• ⟩  چھڈّ کے ٹر جاں نگھیاں چھاواں کداں میں
• ⟩  قمر فرید چشتی دی ساری شاعری