ریپ

ریپ

دس وے مُلیا
اندروں سُتیا
میں سُنیا اے
توں اُچّی ہٹّی کھولی اے
کیہ انج دا نالا وی وکدا اے ؟
جیہڑا بالاں نوں ویکھ کے کُھلدا نئیں
اک مینوں وی دے
میں اپنے بال مسیتے گھلنے نیں !!

ریپ (2)
دَس وے بَندیا
آکڑ کَجیا
وِچّوں ٹَھریا
کدی زنانی توں پُچھ کے مِلیا ایں
کدی اِنج وی جَنّت پِھریا ایں ؟

ریپ (3)
دس وے بیبا
سُن جیبھاں
سَد تقدیراں
جد توں پورا ایں
تاں اَدّھا کیوں مَنیا ایں
آکھ کے اَدّھا ، لُٹیا پورا
کیداں جَریا ایں؟

ریپ 4
دس نی اَڑئیے
بھاگاں سَڑئیے
جمدے توں سُٹّی ایں
جر کی وی توں ٹُٹّی ایں
قبراں وچ توں لُٹّی ایں
سَج کے کیہ لَبھیا ؟
تَج کے کیہ کَھٹیا ؟

ریپ (5)
دَس وے مُنڈیا
رَج کے رُنیا
آس نے گُنھیا
تینوں کینے سُنیا؟