ہُن من مرضی اوہ نئیں اوہدی ، تعلق نوں اوس کملی جئی نے
رِیجھاں نال سجایا وے ، تے گُوڑھا کرنا سِکھیا ہویا اے
کھُلیاں زُلفاں اِک پاسے نوں موڈھے اُتّے سُٹّیاں ہوئیاں
اج کل سانبھ کے رکھدی اے ، تے جُوڑا کرنا سِکھیا ہویا اے
عرصے بعد اِک وعدہ کیتا ، اوسے دِن فیر آ وی اپڑی
لگدا اے اپنی گل نوں اوہنے پورا کرنا سِکھیا ہویا اے
پِچھلی ہر ہر گل نوں اپنی غلطی کہہ کے روندی رئی اے
ہر مسئلے نوں چادر وانگوں دُوہرا کرنا سِکھیا ہویا اے
