ایہہ دنیا ہیرا پھیری اے
نہ تیری اے نہ میری اے
نہ دل دے دکھڑے پھول کُڑے
جو سچ ہے مونہوں بول کُڑے
ایتھے ہر تھاں جھوٹھ دا ڈیرا اے
نہ دسدا دور سویرا اے
ہر دل کوڑ گھنیرا اے
ایہہ پل دو پل دا پھیرا اے
توں انجھک تے ان بھول کُڑے
نہ ایویں جندڑی رول کُڑے
ایتھے سدا کسے نہ رہنا اے
جو سچ ہے اوہیو کہنا اے
دکھ نال وی ساک پرانا اے
سکھ نے کول وی بہنا اے
دکھ سکھ نال رشتہ جوڑ کُڑے
نہ ایویں جندڑی رول کُڑے
ایتھے ہر دل، اکھ ہرجائی اے
تیر،میر جند گنوائی اے
اج تیری وی کُڑمائی اے
تینوں سکھیاں مہندی لائی اے
کل ساہورے جانا، نہ ڈول کُڑے
نہ ایویں جندڑی رول کُڑے
حوالہ: ویلا سِمرن دا؛ ترنجن پبلشرز ( ویکھو )
