پیٹ واسَطے باندراں پائی ٹوپی

پیٹ واسَطے باندراں پائی ٹوپی
ہَتھ جوڑ سلام گُزار دے نیں

پیٹ واسطے حُور تے پری زاداں
جان جِن تے بُھوت توں واردے نیں

چِیر پھاڑ کے بَندے نُوں کھان جہڑے
رِچھ نچدے وِچ بازار دے نیں

پَنچھی جنگلوں ٹُرے نیں شہر وَلے
دُنیا دار پَئے چوگ کھلاردے نیں

دولت کسے دی، رات نُوں جاگ کے تے
چَوکِیدار پَئے ہاکراں ماردے نیں

بَھار اِٹّاں دا سِراں تے چا کے تے
بے گھرے پَئے محل اُسار دے نیں